壹傳媒創辦人黎智英與《蘋果日報》3間相關公司涉違《港區國安法》中串謀勾結外國勢力罪等案，下午（30日）在西九龍法院（暫代高院）續審，從犯證人、《壹傳媒》前行政總裁張劍虹繼續接受辯方盤問。辯方播出張在2021年5月舉行的《蘋果》員工大會上發言錄音，曾指「《蘋果日報》唔係犯罪組織」、「唔會自己執笠」，又透露黎曾在獄中寫信提醒員工要小心。辯方預計在本周四（2月1日）前完成對張劍虹盤問。
辯方指，在《港區國安法》實施及黎智英被捕後，《蘋果》於2021年5月11日召開了一場所有員工都可以參加的會議。張確認。辯方在庭上播放張劍虹在員工大會的發言錄音，長約 5 分鐘。張在錄音中談及有傳言指《蘋果》做到7月1日會「執笠」，當時張直言「我覺得呢樣嘢好荒謬囉，我未聽過囉⋯我可以喺度鄭重同大家講，《蘋果日報》唔會自己執笠」，隨即響起拍掌聲。
張在錄音續指，「我哋唔係犯法，我哋唔係一個犯罪組織，我哋做新聞㗎嘛，我哋唔需要疏散同事㗎，絕對無咁嘅事囉，news as usual business as usual，聽到嘅唔好相信，公司一路以來想辦法做到最好，希望我哋係完全守法⋯你話法例會唔會收緊，唔知道。收緊我哋咪再應變囉，唔會話因為咁樣，我哋自己執咗佢啦，絕對唔會，老闆同大家保證，絕對冇呢件事」。
張在錄音中又提到，「黎生上個月喺獄中寫過封信出來，相信大家都睇過，話新聞自由工作係危險嘅，請大家同事要保重、盡量要小心。咁呢樣嘢除咗係話大家做管理層，總編輯、副社長要小心之外，每一個同事都要小心，做前線嘅亦都要小心，查冊呀，過去報道一啲嘢可能係無事嘅，依家喺《蘋果日報》可能被人用放大鏡去檢視，所以大家真係要小心」。
張在錄音中強調，「我哋絕對唔係褪軚，《蘋果日報》無褪軚嘅空間，《蘋果日報》有好多支持者，有 60 萬人訂閱，每日仲要 10 萬人買我哋嘅報紙，係認同我哋嘅價值嘅，咁我哋唔係用情緒去做新聞，係用事實做新聞」。
張確認上述發言由他說出，當中清楚表達自己和《蘋果》員工的工作是報道新聞，又稱「我哋唔係一個犯罪組織」，黎的信件亦指新聞自由工作危險，「請大家同事要保重、盡量要小心」。辯方詢問，黎的意思是提醒《蘋果》員工避免犯罪？張稱「我唔敢咁演繹，黎生叫同事喺呢個情況下，要小心啲」。
辯方指，黎智英曾表示《蘋果》英文版須增加新聞，即使財經新聞也可。張劍虹同意。辯方指財經新聞應該不涉及政治。張劍虹同意，但指「都係要關於中國負面嘅新聞」，雖然黎智英要求增加新聞，但亦不准許增加一般性新聞，馮偉光曾提議增加國際新聞，黎智英亦不允許、曾在WhatsApp「通知馮偉光呢啲新聞唔使揀，會dilute（沖淡）英文版原意」。
辯方又展示由作家李怡撰寫的《蘋果》世道人生專欄文章《攬炒的最佳時機》，辯方指文章開首雖提到「向國際的訴求就是對中國、對香港的制裁」等，但縱觀全文而言，其實只是單純在描述示威事件背景，沒有倡議或鼓吹攬炒或制裁。張劍虹不認同，並指作家在「肯定緊呢件事，唔係描述囉」。
辯方問到《蘋果》是否藉「一人一信救香港」運動來指出《港區國安法》立法的缺點，張劍虹則稱：「我睇唔到有咩關係囉，我無辦法同意」。辯方另指，國家領袖之間的一通電話都可以算是國際壓力，張劍虹指：「可以係咁，但黎生同我講唔係啲咁嘅嘢」。
張劍虹又指出，黎智英「一直都講要對抗中國，讚揚特朗普的單邊主義，敢同中國發起貿易戰，迫中國要合乎西方價值，依啲一直係黎生睇法」，強調黎智英是請特朗普對抗中國。
案件明早續審。
影片由天機HKWISDOM提供：
https://youtu.be/NowqwcgKHTU
