適逢2025年第15屆全運會將首次由粵港澳三地共同承辦，其中香港將承辦包括保齡等八個運動項目，意義重大灣仔東分區委員會聯同香港銅鑼灣工商業聯合會及灣仔民政處藉住咁好嘅機會，喺上星期日（12/1）舉辦咗「灣仔東分區賀全運會保齡球同樂日暨邀請賽」，鼓勵更多灣仔居民投入運動嘅行列，以實際行動支持呢項國家級體育盛事。
活動當日有超過七十隊隊伍參與比賽，活動設有地區公開賽、地區團體邀請賽及市民同樂體驗活動。參加者個個全情投入，施展渾身解數爭取高分，每當有“Strike”出現，就會有不絕嘅歡呼聲。大會亦特別安排專業教練，指導從未接觸保齡球 運動嘅市民體驗呢項運動嘅樂趣。活動壓軸環節由現役香港保齡球代表隊兼亞錦賽金牌得主雷前鴻同埋劉冠濠，作高難度示範表演，連環精彩球技引嚟全場響起熱烈掌聲 。
除咗灣仔民政處，當日仲邀請咗中聯辦港島工作部副部長尤斌、立法會議員邵家輝同梁熙、灣仔東分區委員會主席孫日孝、副主席黃守東、銅鑼灣工商業聯合會主席李澤民同埋活動小組組長陳偉強等為得獎隊伍頒發奬項。灣仔區議員周錦威、林偉文、吳澤森同莫繡安亦有到場支持活動，同一眾地區團體進行友誼競技。
灣仔東分區委員會一眾委員隨後到人流暢旺嘅銅鑼灣，向市民派發紀念品以推廣全運會，共同營造全城熱烈迎接全運會嘅氛圍。
灣仔民政處同灣仔東分區委員會未來將繼續舉辦更多精彩活動，推動社區參與，共建一個充滿活力同凝聚力嘅灣仔 ！藉新春將至之際，灣仔東分區委員會祝大家新年進步、身體健康，萬事如意。
