新春佳節，深水埗鴨形吉祥物深DUCK先祝大家身體健康，家和萬事興。雖然前日（1月30日）是新年假期，但當獲悉區內一棟舊式唐樓發生火警後，深水埗民政處即刻聯同多位區議員以及關愛隊一齊跟進。
大廈解封後，深水埗民政專員黃昕然聯同關愛隊到場探訪受影響嘅居民，派福袋向居民問候和交流。幸好大部份樓層無並沒有受到火警的影響，居民只需進行簡單家居清理就可以重返居住。
至於受影響的樓層，深水埗民政處盡力安排咗臨時居所給受影響居民。關愛隊就陪同他們辦理手續同提供簡單生活物資，協助處理燃眉之急，亦在大廈入口留下聯絡方法，方便有需要的居民聯絡他們。民政處會聯同社署一齊跟進後續工作，包括仍然留院居民的需要。
民政處、區議員同關愛隊會繼續秉持「民政幫到你」嘅宗旨，急市民所急，關愛不停步。
