政府唔全面封關，加上疫情嚴峻，搞到人心惶惶，昨日網上更傳出流言指內地生產商因疫情關係會停工，引來大批市民去更搶厠紙、即食麵等物資，就連無綫《學是學非》的主持人梁嘉琪，都成為「受害者」，更在網上呼籲「大家定啲嚟」。
話說梁嘉琪早幾日已經在社交平台表示自己缺口罩，更表示大家的恐慌她好明白，但希望如果有一個月以上存貨的話，不妨分享給一些身邊無助的人，而佢自己都會盡量少出街，但昨日她在IG上載了多張防疫用品如火酒噴霧、口罩和超市貨架被清空旳照片，並留言：「為咗不浪費囗罩，幾日出門補糧一次，發生乜事，去到冇米冇紙巾，大家定啲嚟，大家都唔想炒完囗罩炒廁紙㗎！」有網民就留言：「香港人好慘」。
至於另一位藝人都有類似情況，在《愛．回家之開心速遞》飾演「賈名媛」的邱芷微表示收到屋企人「柯打」要去買廁紙，點知行咗幾間藥房都有冇貨，最終佢惟有買包裝紙巾頂住先，而邱在社交平台留言，笑言自己是「Tempo妹都係要自己去買廁紙，沒有咩特權🤣 」並呼籲大家冷靜些：「其實繼口罩之後今日搶廁紙⋯⋯下次會否搶M巾，仲有搶尿片。香港人必須要理智，一定貨源充足大家不需要恐慌。」
多間超市都表示廁紙供應穩定，缺貨純屬謠言。亦有紙巾用品集團表示工廠會在本周或下周復工，並無停廠計劃，所以香港人一定要冷靜！
圖：IG
