《全民造星IV》開始進行招募，上季《造星III》有份擔任導師的林二汶備受觀眾讚賞，甚至因而得到「二汶爸爸」的暱稱。新一季監製花姐（黃慧君）也誠邀二汶帶組，不過已遭二汶婉拒，她在社交平台解釋拒絕的原因：「特別感謝花姐再次邀請我做到呢個節目嘅導師，不過，我口頭請辭了。上台容易落台難。我想像，如果我再次做導師，我都難以超越上一次嘅自己。既然唔能夠做得更好，何不讓更多有才之士去做？經過深思熟慮後，我先下呢個決定。」
二汶又表示因為《造星III》而得到「二汶爸爸」的稱號，所以特別選父親節來宣布這個消息，就是預備開辦音樂教室，培育新一代的音樂人材，她續說：「亦都係因為做導師，我覺得有好多才華同天賦，都係從小培養的。呢個機會，俾我好大嘅啟發。於是，我將會籌備一間音樂教室，希望將音樂從教育伸延落去。選址同師資已經確定，希望不久將來可以同大家分享呢份喜悅。」
