炎明熹（Gigi）近日在《聲生不息》亮相，無論是Solo獻唱《蜚蜚》或是與楊千嬅合唱《勇》，均展現出悅耳歌聲及驚人潛力，成功贏得香港及內地網民及觀眾好評；Gigi的微博粉絲人數更每日遞增，由節目開播前的6萬攀升至超過26.2萬，她昨日接受無綫娛樂新聞台主持王鎮泉訪問時，以特有的「火星話」回答問題，自言沒有想過迴響這麼大：「非常多謝大家，我會繼續努力。啲數字係咁升，真係有啲『驚變』我！（估計想講嚇親）」
對於相隔2年後終有機會與家人重聚，Gigi坦言既開心又感動：「第一日接媽咪放工，媽咪喺度喊搞到我都喊，爸爸媽媽同我講咗好多嘢，仲話我係佢哋嘅驕傲！」感性的Gigi又指今次再與家人離別時，感覺是百感交集：「本身諗住走唔會好似以前咁，因為我已經長大咗，但估唔到我仲係不斷咁滴淚。」
談到日前在其網上直播驚喜亮相的8歲妹妹，Gigi笑言自覺與妹妹長得很相像，並自爆自己也分不清：「最搞笑係製作組需要我小時候嘅相，點知我搞錯咗畀咗細妹張相佢哋，我一直以為係我自己嚟架喎，直到媽咪話畀我聽我先知搞錯咗，真心覺得好尷尬！」Gigi參與《聲生不息》，家人當然全力支持，就連年屆90歲的爺爺，亦有捧場兼給予意見，她說：「佢有提醒我唱歌時個嘴打得唔夠開，爺爺以前喺戲班做，識得拉二胡同埋打鼓，佢咁留意我嘅演出，我覺得好感動。」
