藝人宣萱自12年約滿無綫後，一直以自由身接拍劇集，今日她首度現身MakerVille原創劇《極度俏郎君》開鏡拜神，與姜皓文（黑仔）合作，同劇還有人氣組合ERROR，兩人是繼電影《一線生機》後再次合作，他們透露開工至今已一個月，每天都拍攝得很開心，不想收工，日日都想開工，黑仔表示台前幕後都好融洽，他又大讚宣萱是好對手：「我全家都好鍾意佢，包括屋企隻狗，聞到我個身有宣萱陣味，即時撲埋嚟。」
宣萱指今次對手配搭新鮮，與ERROR首度合作，她表示有聽過他們的歌曲，又讚他們很勤力：「佢哋嘅角色好搞笑，做乜都得，但我個角色比較認真，所以拍攝時要成日提醒自己唔可以畀佢哋影響牽住走。佢哋啲粉絲好多食物同飲品應援，大飽口福，越拍越肥。」對於被指今次對撼無綫，宣萱表示拍講求開心，只要劇本、角色好就ok，收視不是她控制範圍，會留給監製擔心。她稱若無綫邀她拍劇，只要適合她都會做，不過現時檔期已排至明年年尾。
對於近期甚有口碑的無綫劇《下流上車族》原本男主角是黑仔，黑仔強調當時還未開工及未試造型，只是磋商階段，他大讚林敏驄演得好，問到拍不到會否覺得可惜，他說：「唔會，如果有機會好想同呢個團隊合作，而且當初係我話想拍喜劇，佢哋就寫咗呢個劇本畀我拍，所以我拍唔到，覺得有少少對唔住，呢個係緣分，緣分未到。」
