唔經唔覺乙巳蛇年已經過咗幾日，希望大家繼續開開心心。過去4日，深水埗都有精彩嘅賀年活動 ，我深DUCK肯定居民唔會初四咁嘅樣！
大年初二（1月30日）為新年打嚮頭炮嘅係「金龍巡遊賀新歲」。一眾嘉賓喺楓樹街遊樂場為龍獅點睛後，就展開咗今年嘅龍獅巡遊 ，將新年喜氣洋洋嘅氣氛散播至區內每個角落，財神仲同我哋一齊派金元寶，街坊個個收到都開懷大笑 。
龍獅去到海壇街關帝廟，為深水埗區居民祈福許願，願深水埗區年事事順景，闔境平安！
之後一連三日(30/1-1/2)我哋又有「深水埔‧深水情‧深連心2025」嘉年華，同大家齊賀新禧 。
除咗有歌星表演，仲有親子攤位遊戲、吹氣城堡等。街坊呢幾日都玩得好開心呀！嘉年華主禮嘉賓包括保安局副局長卓孝業、中聯辦九龍工作部副部長賴建華同深水埗民政專員黃昕然等。
以上賀年活動由深水埗民政處及深水埔街坊福利事務促進會合辦。春日載陽，福履齊長。深水埗民政處仝人再次恭祝大家龍馬精神、身體健康、心想事成！
