41歲的前港姐冠軍楊思琦去年驚爆大肚兼已婚,今年二月誕下兒子「豬豬」,愛子心切的思琦今日在IG分享了幾段短片和同仔女一起去影樓合照,雖然未見她的圈外老公蹤影,但同大女Krystal和囝囝影家庭相,也難掩喜悅之情,一副有子萬事足的模樣。

可能BB只是出世了一個多月,拍攝全程也是瞓覺,即使換了幾個造型,也是乖乖的睡着,而大女Krystal也很愛錫弟弟,三母子拍了不少合照,思琦顯得相當滿意。

事後思琦在IG貼了3條片和8張相,並留言說:「我是豬豬,今次mummy帶我去影『寫真』!嘩!係『初生寫真』啊!第一次影靚仔相,勁開心!哈哈,原來有幾個造型㖭!你哋鍾意邊款多啲?又有咁多靚姐姐同我着靚衫、扮型仔,幫我開暖氣,打靚燈!個個都錫晒我,對我好好喔!最驚喜係,原來佢哋仲安排左一張超舒服的床畀我瞓!等我全程可以瞓住覺嚟影相,秉承我豬豬一向貪睡的本色,真係好嘆呀!好多謝攝影師姐姐的耐心指導,教我擺出唔同嘅瞓覺姿勢嚟影相,張張相我都好鍾意啊!加埋豬豬family的成員一齊陪住我影相,實在太開心呢!等我可以留住美好一刻!返去要飲多幾樽奶,慶祝先得yeah!」

圖:IG

最新文章