新型肺炎肆虐,不少人都減少出街次數,但終日宅在家有甚麼好做呢?尤其是疫情未見逆轉,身體健康最緊要,不少藝人便選擇在家中做運動,強身健體。

好似胡定欣咁,昨日就在社交平台分享了一條健身短片,教大家在家做運動,並留言:「呢段抗疫期間大家都留喺屋企,黐住張梳化睇新聞打機煲劇睇戲,坐到PatPat都扁晒!岀唔到街就喺屋企做exercise運動吓拉吓筋,否則真係悶到生菇!

Donkey kicks + fire hydrant with leg extension

呢個動作主要鍛煉臀部同大腿外側,不僅可以改善大腿線條仲可以翹臀!四肢朝地雙膝與臀同寬,腳向上踢起成90度角,接着用核心與大腿的力量將大腿往身體左側伸直抬起,然後重複動作。兩個動作為一次,大家可以嘗試做10-12 x 3 Sets 加油!」

胡定欣做起上來有板有眼,姿勢正確有睇頭,難怪身型fit爆。不少網民都大讚有用,有些更留言問:「可唔可以介紹多啲練肚嘅exercise」。

圖:IG

胡定欣提議大家在屋企做運動,免得悶到生菇。
胡定欣提議大家在屋企做運動,免得悶到生菇。
定欣話呢套動作可以收大腿,大家不妨試試練習。
定欣話呢套動作可以收大腿,大家不妨試試練習。

至於近年愛上瑜伽的蔡一智,近日亦選擇在家練習瑜伽,日前便在社交平台分享了多張瑜伽照,動作正宗,絕非擺甫呃like,更表示多謝導師指導,令他可以不受限制隨時隨地練習瑜伽。網民留言讚:「厲害 SirOneOne」,以55歲的蔡一智的確保持得很弗,大家都不妨偷師,在家做運動,齊齊「疫」境自強。

圖:IG

蔡一智近年愛上瑜伽。
蔡一智近年愛上瑜伽。
近日疫情肆虐,蔡一智選擇留在家做運動。
近日疫情肆虐,蔡一智選擇留在家做運動。
Sir One One絕非浪得虛名。
Sir One One絕非浪得虛名。
齊齊跟Sir One One做瑜伽啦!
齊齊跟Sir One One做瑜伽啦!

最新文章