無綫藝員姚子羚昨日突爆出疑偷食夜店經理人夫Raymond,更一度傳出涉及四角戀!昨日傍晚她現身澄清,表示與Raymond交往時對方已與妻子分居,強調自己絕非小三,而兩人現時已分手。對於有「床照」流出,她直言「影咗都唔知」,對親密照曝光大感詫異。

姚子羚爆嗒人夫捲四角戀洩床照
姚子羚爆嗒人夫捲四角戀洩床照

現年38歲的女星姚子羚(Elaine)去年3月與身家逾億的男友「的士邦」鄭子邦分手,昨日被爆疑偷食人夫約八個月!人夫身份是前夜店經理Raymond,其太太是34歲中印混血兒藝人蔡宛珊(Sarika),前晚事件爆出前已有兩段聲帶流出,當中有男人聲音「預告」子羚被爆大鑊!

有消息指烑子羚與Raymond早前到泰國旅遊,並流出多張咀嘴及攬到實的合照,更有疑似是赤膊Raymond與熟睡絩子羚的「床照」。消息指Sarika與姚子羚是朋友關係,更複雜的是當中疑涉四角戀,姚子羚被指是「三奶」,「二奶」則是圈外人。繼黃心穎被爆偷食人夫許志安後一個月,姚子羚再陷偷食風波,大批網民湧入其社交網留言譴責,鬧爆她是「黃心穎2.0」、「三奶」等!

昨晚約六時半,穿運動服、頭戴Cap帽的姚子羚現身將軍澳電視城向媒體交代事件,全程保持微笑:「同Raymond交往時(佢哋)已分開咗一段時間,到現時為止係分開咗兩年,我同Sarika係相識,佢都知我同Raymond交往,而我哋目前係普通朋友。(點解分手?)細節唔講,總之依家關係舒服。(分咗手幾耐?)一段時間,實則幾耐唔想講。(點解啲相會流出?有冇懷疑邊個做?)有嘅,但唔想深究,我只係覺得好驚訝,點解兩個人嘅照片會流傳出去?係幾奇怪嘅事,但我冇再去諗。(啲相有幾多人擁有?)呢樣唔應該問我。(你有冇啲相?)某啲合照係有。(床照呢?)影咗我都唔知,但如果再有過分行為,我會同公司商量有咩打算。(有冇更激相片?)我唔知,我相信我自己,但目前我只係想澄清。」提到黃心穎早前因偷食事件被停工,會否擔心連累新劇拍攝?姚子羚表示尚未收到任何通知,現時會專心工作,並說:「我對感情好認真,都希望感情關係可以好簡單。」

至於男主角Raymond昨日透過電話回覆事件,強調跟Sarika分居後才跟姚子羚拍拖,力撐她絕非第三者,而現時兩人已分手。問到「床照」為何會流出?他說:「相一定唔係我Send出去!(係咪你傳過畀人睇?子羚唔知畀人影咗床照!)唔想再多講喇,唔想愈描愈黑。我唔想搞到人,事實係我分居咗兩年,依家單身,拍拖都好正常,又唔係咩唔見得光。(辦妥離婚手續?)進行中,未簽字。」

另外,由於Raymond與姚子羚拍拖期間尚未與妻子Sarika正式離婚,有傳陷入多角關係的姚子羚要求男方盡快簽字離婚,二揀一表態!Sarika昨日回應:「我同Raymond分居後,我唔知有二、三奶,二揀一呢個說法都唔係我講。(Raymond想同你復合?)有嘅,話晒都10年感情。(持續至近呢大半年都想同你復合?)幾耐就唔想回應咁多,唔想搞到人。或者咁講,我同Raymond喺2017年分居,到2019年1月就夠兩年,我可以單方面正式離婚,我依家係單身,大家有聯絡,因為大家都共同撫養啲貓,亦當佢係屋企人,但佢嘅感情事我唔干涉咁多啦!(點解離婚?)當初我哋分開,係因為大家價值觀唔同,睇嘅嘢唔同而決定分開。(你同姚子羚關係如何?)我同Elaine係朋友搭朋友識嘅,佢哋嘅事就留番畀佢哋回應啦!」

最新文章