歌手關心妍（Jade）為慶祝入行20周年，在紅館開騷兩場，昨晚尾場除了有鄭秀文（Sammi）及蕭正楠做表演嘉賓，還有老公楊長智和囡囡楊榮心（心心）到場支持，心心更和Jade合場，又表演連打6個側手翻，令全場拍爛手掌。而昨日TVB的播出的《日日媽媽聲》正是由關心妍、周志康、方紹聰（奶仔）擔任嘉賓。
Jade在訪問中更分享了囡囡的神奇「胎前記憶」，並坦言一度被冧至爆喊：「唔知真定假架，佢（囡囡）講架啫，但我做媽咪聽到係冧到不得了。大家知我等咗佢七年，我每晚都會陪佢瞓嘅，嗰日我忍唔住多謝佢嚟到呢個世界上、又話我真係好鍾意佢，點知佢無啦啦彈咗句：『我都等咗你好耐啦，我喺舊雲上面等你，Jesus喺嗰度畀我揀（媽咪）。』（你點知係我？）你粉紅色頭髮架嘛。』咁嗰時我演唱會嘅髮型真係粉紅色頭髮嘅…嗰晚我叫完阿囡瞓，就衝出去搵老公爆喊，好感動！亦都想鼓勵番媽媽們，你等緊佢（BB）之餘，其實佢都等緊你。」
原來Jade因為婚後等了7年才成功懷孕佗有囡囡心心，期間她曾一度想領養小朋友：「啱啱開始試咗兩、三年都冇，當時都仲未心急，但到了第三、四年就開始覺得『係咪有事呢？』去到第六年，我就同自己講如果等到四十歲都冇，嗰時我已經三十六歲，咁不如領養啦，我哋兩個都好鍾意小朋友。」想不到一年之後卻意料之外傳來好消息，而現在Jade和囡囡關係超sweet，Jade又大方分享了「佗B親子三部曲」：「我每日都會同佢傾偈、唱歌同祈禱，每日都有同佢（一齊）嘅時間。」
