陸浩明(6號)早前在節目《後生仔傾吓偈》中,談及2003年沙士疫情時,口快快當眾說了句︰「因為嗰時香港係病毒源頭。」此話一出,不但辣㷫網民,被網民即時截圖圍插鬧爆,據稱通訊事務管理局更接獲取600多個有關投訴,事後他即時在社交網站發文道歉,但仍然未能平息網民怒氣,到昨日6號在電視城公開道歉,並聲淚俱下表示︰「我想借呢個機會,向各位朋友同觀眾,就我在節目講錯『香港係沙士病毒源頭』致歉,當日我做節目係有疏忽講錯資訊,又糾正得唔清晰,引起大家誤會,無解釋病毒源頭並非香港。我喺節目中想講香港係SARS大型爆發嘅地點,但自己有口誤講錯咗,令大家唔開心,我向大家深深致歉講對唔住。」

陸浩明昨日在電視城為自己講錯話公開道歉。
陸浩明昨日在電視城為自己講錯話公開道歉。
早前在節目《後生仔傾吓偈》中講錯嘢,即被網民截圖鬧爆。
早前在節目《後生仔傾吓偈》中講錯嘢,即被網民截圖鬧爆。

事後6號在社交平台轉載傳媒拍攝的採訪片段,並再次發文:

「就我喺 #後生仔傾下偈 講錯”香港係SARS病毒的源頭” 要再次同各位講對唔住!我喺呢度糾正返當年SARS病源係來自內地,而並非香港。我原先係想表達,香港係SARS大型”爆發點”,無奈我喺節目講錯,有口誤。如果有牽動到大家嘅情緒,令到大家唔開心,我向大家深深致歉以及講對唔住🙏🏻🙏🏻 經歷今次事件之後,自己處理節目內容會更加審慎,更加小心!

另外要同03年SARS以及現時抗疫嘅醫護人員講句多謝,佢哋嘅貢獻及犧牲,係為咗保護我哋香港市民,我亦希望香港及世界各地嘅疫情盡快完結!

希望大家可以體諒今次嘅失誤🙏🏻」

雖然仍有網民不大接受,但亦有不少粉絲留言表示理解和支持。

6號早前在IG為自己「口快過腦」而講對唔住。
6號早前在IG為自己「口快過腦」而講對唔住。
昨日繼續貼文,希望大家體諒,以後會更加審慎。
昨日繼續貼文,希望大家體諒,以後會更加審慎。

最新文章