日前有網民發起罷睇「紅色」賀歲片,不少電影都「受害」被標籤,其中有份上映由黃子華自編自導自演的《乜代宗師》也被網民非議指在深圳取景製作,黃子華昨日在面書專頁開live解釋《乜》並非合拍片,更自嘲自己是傻佬賣樓拍戲。

子華開Live澄清《乜代宗師》非合拍片。
子華開Live澄清《乜代宗師》非合拍片。

網上流傳黃子華收過百萬片酬但就剝削工作人員薪酬,他表示,今次自編自導自演不只分毫未取,他甚至賣樓拍戲,而他的確向有所有台前幕後工作人員「揼心口」收平些,因為唔夠錢。

至於為何在深圳取景,「我問咗人,賣樓可以喺香港拍15日,但我套戲要拍50日,我唔係啲資深導演,可能佢哋15日得,我真係冇呢個能力。因為要取景啦,仲要廠房,都係錢嚟,如果要喺香港拍,我可能連自己住緊嗰層樓都要賣埋。」

子華表示《乜代宗師》是一套香港人的電影,從第一日開始他的心態已是本着拍給香港人看的,他說:「我想好自由自在拍呢套戲,無論題材、表達手法,不想有任何審查。」他坦言冇信心翻本,只是「輸少當贏」,「全行都認為我是儍佬,賣樓去拍一部99%無得翻本的戲,我將真實情況講畀大家聽,睇唔睇,唔係好緊要。」

子華表示《乜代宗師》是一套拍給香港人看的電影。
子華表示《乜代宗師》是一套拍給香港人看的電影。

最新文章