無綫台慶劇《下流上車族》收視報捷，連帶口碑也越來越好，加上幾位好戲之人，網民都大讚戲味濃。昨日播出一集，「鬼才」驄哥與「金像獎影后」鮑姐互飆演技，更誰也搶不了誰的風頭。劇情講述車志明（林敏驄飾）踩上「老小三」毓霞（鮑起靜飾）屋企欲拿回亡父神主牌，之前已遭兒子「拋棄」的毓霞不甘仔又冇「老公」又被搶，對着志明怒吼：「我個仔要移民丟低我唔理，點知你仲衰，你連死人都要同我搶？！」志明聞言即反擊：「你同你個仔啲嘢唔好拉埋我落水。」並着毓霞反思自己如何對待屋企人，又指著毓霞手上「定情信物」謂：「我老竇同埋呢隻戒指本來都係屬於我阿媽架！」
越說越激動的志明最後哽咽：「我淨係知你擺我老竇（位置）低過隻狗，你好唔想見到佢，我咪依家攞走佢，唔使你眼冤，得唔得吖？」最終毓霞被志明激動又真摯的情緒「擊倒」放棄「老公」，默默地執拾好亡父神主牌的志明，離開前語重深長向以刁蠻馳名的毓霞道：「有個問題我想答埋你，你話我間屋企細，擺唔落我老竇，我想話畀你聽，間屋企幾細唔係問題，最緊要一家人喺埋一齊。」出名轉數快又佻皮的林敏驄，飾演滿載故事的志明竟然零違和，且無論對白或是舉手投足都充滿戲味及一點也不林敏驄，令網友給予一致好評：「明顯有好多對白係入晒戲，想喊嗰吓唔係扮出來」、「啲戲由內而外，唔造作好自然」、「依場好好戲，有機會爭視帝！」
其實鮑姐前晚一集展現遭仔仔「拋棄」悽酸的錄音Solo戲亦同樣因感人度高引起熱話。劇情講述毓霞兒子家寶（林景程飾）傳短訊給毓霞，表面關心毓霞，實則是想毓霞獨留香港。自覺被拋棄的毓霞當下情緒複雜，先是激動地指控阿仔，鬧完一輪後又後悔地將訊息刪除，之後再分別以「期待」tone及「淒慘」Tone錄音，最終毓霞選擇發送「淒慘」Tone希望對仔仔動之以情，「阿媽淨係得番你一個，咁你係咪都唔想要我喇……」這一句更說得一臉哀傷兼自憐，打動無數網民，亦立體地道出了欠缺關愛的獨居老人苦況，網民留言：「鮑姐呢段可以攞視后啦」、「好鬼滾動，睇到眼濕」。
