不少人留家抗疫不外乎煲劇和打機，早前才大結局的韓劇《愛的迫降》不只在當地創新高收視點，就連不少港女都中晒毒，早前田蕊妮就在IG透露煲《愛的迫降》煲到天光。雖然劇已經大結局，但不少人都中毒太深，個個都想做女主角尹世理，就連唐詩詠昨晚都上晒身，梳了個「尹世理」頭，並在社交網站發布，留言：「整番個『尹世理』北韓頭，懷緬一下先 #解毒中 」還用韓文寫了句：「我好可愛」，有網民大讚好似。
方健儀貼真北韓軍官合照
曾去北韓的前主播方健儀，就在社交網貼上跟北韓軍官的合照，還拼上《愛的迫降》的劇照，寫道：「理想 VS 現實？#有人話北韓軍官好靚仔 #我未睇《愛的迫降》不理解 #我去過北韓更加不理解 #仲以為降係投降嗰個降 #又或者係降頭嗰個降囉 」不少網民留言都超抵死：「年輕嘅時候相信都係一個靚仔嚟嘅😆」、「現實永遠都係殘酷！理想永遠都係美好！」、「睇韓劇認真便輸了」
圖：IG
