黎明自從4年前開通facebook後，吸了不少like，現在有超過34萬個讚好、35萬人追蹤，在FB一直以明福俠自稱，不知是否疫情關係，自今年3月出過post後就一直停頓，直至前日就出了一條預告片，昨日又再上載一條短片，片中更驚見林海峰，而林海峰亦同時於昨晚在IG出post，貼出跟黎明合照，更搞笑留言：「黎明請我必要來。」。不過相中黎明身穿白衫白褲，又指手劃腳，還遮了半邊面，有粉絲就留言：「可以再post好點既相嗎，偶像隻手遮住咗半個臉」。
講返條片，前日的短片有成17秒，片中有「有幾多人要求顧家？」、「同居、結婚=顧家」及「顧家不止有我們」等字眼，片段尾聲有四個公仔頭出現，其中一個光頭公仔撕爛後原來是Leon。到昨日的短片，跟上一條內容相若，但在最後其中一個公仔撕爛後竟然是林海峰，當中還有兩個公仔頭未撕開，並講明「明天待續」，看來肯定有後着，大家等睇片吧。不少網民留言表示期待：「睇嚟應該會連續4日有驚喜😍😍好期待呀！」、「見到係Leon cross over Jan, 還有兩個會係邊個🤔非常期待」、「好正呀，日日都見到明福俠有新介紹」。
黎明facebook短片原post：https://www.facebook.com/watch/?v=311349166932957
