受疫情影響，早前教育局就宣布全港幼稚園、小學、中學延長停課至3月1日，搞到好多小朋友變相放長假留在家裏，家長們都要作出悉心安排，免得小朋友無所事事。前港姐陳茵媺（Aimee)嫁了陳豪三年抱三之後，全職照顧子女，經常單拖帶住仔女四圍去，昨日她就帶同三個寶貝趁着停課的日子，去了屋企附近的沙灘玩樂兼活動教學。
Aimee昨日上載了多張和子女一起在沙灘玩樂的合照，還表示小朋友很有創意，其中二仔Nathan就利用拾到的竹支，在沙灘上寫字，還叫大家一齊估吓佢寫乜，有網友好快便估到是個「口」字，之後仔仔又寫佢個姓氏「Chan」，不過Aimee要同時照顧三名小朋友表示很忙，連相也唔得閒影，雖然昨日相當大風，但見他們一家四口玩得相當開心，在這瘟疫蔓延的時候，最緊要健健康康、快快樂樂過日子。
圖：IG
