早前大劉劉鑾雄被影到與前女友呂麗君（現名呂姵霖）驚現銅鑼灣皇室堡行街，更傳來二人復合消息，大劉今日特別舉行記者會澄清未有跟呂麗君復合。
記者會上近百傳媒採訪，歷時1.5小時，大劉亦有問必答，又規定傳媒只可錄音和拍照，不可以拍片，關於傳出他與呂麗君復合一事，大劉首先解釋了皇室堡與男子爭執事件，他表示：「公司處理得唔好，我冇位過，擔心有碰撞及絆倒，加上當時見大部分人冇戴口罩，若果我萬一中招係『九死一生』，又擔心被認人出便嗌強姦非禮。」
大劉稱：「最唔想畀人見到我同呂麗君一齊，有個師奶影我相，我冇嬲佢，佢嘅層次係咁，但佢用相機影到呂麗君我就嬲！唔想人誤會以為復合，結果隔兩日就有網上打手寫『邊個大獲全勝搬返屋企』，呢啲係網上造謠！」期間現場律師再讀一次大劉早前發出的聲明，期間有記者問劉太（甘比）有沒有不開心，他說：關於呂小姐，我真係唔方便comment佢，如果講，真係講七七四十九日都講唔完，陳小姐(甘比)有冇嬲或者唔開心?我可以好簡單答你，點值得啫?佢知咩事。」
他說：「我將財產處理咗，就畀太太陳凱韻與家人，我要澄清家人唔只陳凱韻家人，係我嘅家人，除咗陳凱韻3個小朋友，仲有其他我嘅家人，包括可能呂麗君仔女，可能寶詠琴仔女，總之我身家唔係畀陳凱韻擸晒，絕對冇咁嘅事。我處理財產時，同陳凱韻剛結婚2日，我同律師商討時，律師就話你同佢結咗婚都唔安全，因為財產喺信託上有得拗，有得打官司，所以我諗咗兩晚，將所有財產送出去，寧願畀錯人，都唔想益天下極壞嘅恐怖分子。」
大劉表示今次是幫呂小姐是睇在兩個仔女份上：「若果唔係考慮到兩個仔女，一個12歲、一個20歲，我決定幫或者唔幫，平時決定係0.1秒，今次做決定諗咗兩分鐘，係唔想有難堪嘅事出現而影響細路，為佢嘅仔女保留一點尊嚴，希望記招之後有人收斂啲！好SAD，有啲天生性格到死嗰日都唔會改，惟有黯然接受。」至於呂麗君有甚麼困難，大劉拒絕透露：「若果唔係考慮到兩個仔女，一個12歲、一個20歲，我決定幫或者唔幫，平時決定係0.1秒，今次做決定諗咗兩分鐘，係唔想有難堪嘅事出現而影響細路，為佢嘅仔女保留一點尊嚴，希望記招之後有人收斂啲！好SAD，有啲天生性格到死嗰日都唔會改，唯有黯然接受。」
圖：IG及互聯網
