藝人唐詩詠與黃翠如老友鬼鬼，翠如在10月尾生日，好友唐詩詠日前就訂了間酒店，與翠如結伴Staycation，二人十分聽話，並冇呼朋喚友一齊大開派對，就連黃翠如老公蕭正楠都冇份。
二人更將房間精心布置，又有氣球，很有生日氣氛，她們並沒有到酒店餐廳食大餐，反而叫了Room Service在房內撐枱腳，十分sweet。唐詩詠表示：「當訂咗1個月都訂唔到法國餐廳，依家可以叫上房食。當平時夜晚想食宵夜通常只係煮隻雞蛋，依家打個電話就有星洲炒米，仲要好好食，然後隔籬嗰個係咁叫你食，諗清楚先好Staycation。」可見二人感情十分要好。
另外，黃翠如在社交網亦有上載了2人穿上日本浴衣的照片，更留言：「她在櫃桶找到2件浴衣，強迫我穿上，然後拍了1張到此一遊照。說了幾年要去日本玩，終於成行。」不少網民都留言希望疫情快點過，之後再去日本玩。
圖:IG
