娛樂圈近日接連爆疫，先後有多名藝人確診新冠肺炎，其中商台除了廣播劇《18樓C座》的「周老闆」金剛、「祥嫂」朱雪梅、「三姑」陳慕賢和主持劉翁外，今日商台DJ麻利亦在IG宣布確診，她表示：「我居然都中咗Omicron！瀨咗嘢！先聲明一路唔講係因為我真係瞓好多，冇嘢比休息更重要，瞓到好似入咗時間艙咁。」
她又細述病情，表示有發冷、發燒、喉嚨痛、四肢無力、冇胃口等症狀，她說：「平時重感冒喉嚨痛係火燒感覺，但Omicron嘅喉嚨痛係你喉嚨俾鎅刀𠝹傷咗咁痛，每吞一次口水就翻鎅一次。係刀傷鋒利劇痛。」因為知道自己確診，又冇力揸車，出街又怕傳染給別人，所以留家自救，她選擇食中葯，飲熱檸檬水，不停瞓覺，以及補充維他命B/C/D/Zinc。
麻利有份主持的節目包括《Mali Mali Home》、《麻利有隻小綿羊》，和鄭裕玲、余迪偉一起主持的《口水多過浪花》，昨日（20日）亦已開始停工，原定直播由其主持嘅《Mali Mali Home》改由當奴頂上。而商台公關部亦發出通告：「本台主持麻利亞初步確診，最後上班日期為2月14日，工作期間均有佩戴口罩。為安全起見及專業醫生意見，本台已經即時安排清潔和消毒有關工作地點，相關節目的同事，由事發起七天進行自我家居隔離，每天盡量進行快速檢測，並且匯報檢測結果給公司，以麻利亞最後上班日期起計七天，即2月20日，只要《口水多過浪花》之團隊完成快速測試為陰性，已屬安全，2月21日便可如常上班。」
