歌手張敬軒昨晚（29日）終於完成26場紅館演唱會，圈中不少名人到場觀賞，包括霍啟剛、霍啟山、陳潔靈、谷德昭、衛詩雅、泳兒、楊受成夫婦、彭秀慧、呂爵安、郭嘉駿（193）等等。昨晚尾場軒仔更5度encore，演出至凌晨1時零5分，歌迷才依依不捨離去，軒仔26場演唱會都超時演出，相信罰款總額超過百萬。另外軒仔更在演唱會上承諾將會成立基金幫助舞者追夢，甚至送他們出國深造，扶助後輩。
對於尾場演唱會唱到凌晨1點，超時被罰款，張敬軒表示感謝老闆楊受成無限量的支持：「26場演唱會，罰款起碼7位數，不過如果唔係紅館有限制，佢哋（粉絲）企幾耐，我都會幾耐，因為呢啲係愛。其實我都有打畀楊生講唔好意思，呢啲對佢嚟講濕濕碎啦，佢係一個應使得使嘅人，佢話冇嘢緊要得過支持者對我嘅support。」
對於今次演唱會表現，軒仔給予80分，扣20分是因為技術問題，未能每場都做到最完美。演唱會中軒仔又給予舞者們逐一自我介紹，十分尊重舞者，談到成立舞者基金時，軒仔直言好多舞者要打三、四份工來追夢，自覺平日使不多，應該拿些出來幫助社會上有需要的人，至於數目是多少，軒仔表示大概會是七位數字，「可能會搞慈善籌款，又或者叫老闆（楊受成）幫吓手，個基金一定不會用我個名掛帥。」
