前港姐朱智賢被爆背着男友謝東閔偷食人夫黎振燁，兩人型象插水，被指姣精與世紀賤男，事業分分鐘一鋪清袋，無綫今日就安排朱智賢與男友謝東閔在電視城開記者招待會。
謝東閔穿上全身黑衫黑褲，陪同身穿白色上衣的朱智賢現身，二人坐下先由男方發言，他表示朱智賢向他交待了成件事，決定陪同朱出來是因為怕她承受不了壓力，他會陪她走過這一關：「可能其實佢一時之間，有啲迷失，不過我都覺得自己有少少責任，可能我成日掛住工作，疏忽咗佢……我想講嘅其實佢係一個好勤力嘅演員，我希望大家可以畀個機會佢自己反思吓，嚟緊將來繼續畀心機工作。Thank You！」
之後輪到朱智賢開腔：「首先我要講嘅係對唔住，我令大家失望對唔住，我知自己做錯，我對唔住錫我嘅人，我對唔住畀機會我嘅人，我辜負咗你哋，我辜負咗公司，喺呢度我想同喺呢件事受傷害嘅人講聲對唔住，真心對唔住。」期間多次停頓，最後由男方向傳媒道謝後便雙雙離開。
至於事件中的另一主角黎振燁有傳今日會和老婆齊齊開記招，惟最終因為太太拒絕現身而作罷。至於兩人的工作安排，朱被踢出《東張西望》主持，而男的則要聽候公司發落。
圖:互聯網
