![《解風東京》首集收視高開,杜如風開心之餘,仲話會送禮物畀粉絲。](https://n.kinliu.hk/wp-content/uploads/2023/03/02-768x432.jpg)
有「日本旅遊達人」之稱的杜如風(Helen),鮮有在幕前演出,最近首度亮相J2主持旅遊節目《解風東京》,除了貫徹招牌搞笑及無厘頭作風,更加入不少貼地元素。
前晚節目播出第一集後,即傳來喜訊。Helen受訪時透露收到製作組傳來喜訊,指《解風東京》首集收視高開,不但比之前的《冲遊泰國》高,更成為J2去年六月再出世後最高收視節目!Helen今早受訪時開心謂:「聽製作組講頭兩集收視都唔錯,第二集仲接近5添,我唔係好識架,佢哋話係舊年六月以嚟最高,咁我梗係開心,希望大家嚟緊繼續支持。不過最開心第一集播出之後,有好多網民Message話好掛住我,又話啲回憶返晒嚟,真係好多謝大家鍾意呢個節目。」問到如何回饋粉絲,Helen即一貫豪邁作風:「搵啲好嘢出嚟開心share啦,嚟緊我會IG開Live同大家傾吓偈,到時會送吓潮物咁,大家密切留意。」其實Helen確是十分緊張觀眾反應,前日節目首播後即在FB留言問道:「點呀,好唔好睇呀?」,網民紛紛留言讚她好介紹兼搞笑:「海膽宴好正」、「跌海膽好好笑」、「你介紹嘅嘢真係好正」、「半個鐘唔夠喉」、「有『風』格」。
![Helen於鏡頭前坦言自己9年冇拍拖,仲要冇人追。](https://n.kinliu.hk/wp-content/uploads/2023/03/06-768x432.jpg)
![Helen節目中介紹去銀座呢間文青風DIY鋼筆店。](https://n.kinliu.hk/wp-content/uploads/2023/03/14-768x432.jpg)
![又去了下北澤這間百年眼鏡店,試玩3D掃瞄機配眼鏡。](https://n.kinliu.hk/wp-content/uploads/2023/03/17-768x432.jpg)
![Helen話3D掃瞄機scan得佢幾靚,仲話3D試戴勝在角度夠刁鑽。](https://n.kinliu.hk/wp-content/uploads/2023/03/18-768x432.jpg)
![Helen好玩得,仲請成班幕後食煨蕃薯。](https://n.kinliu.hk/wp-content/uploads/2023/03/24-768x432.jpg)
![雖然幾年冇得去日本,但又點難得到Helen捐窿捐罅去尋寶。](https://n.kinliu.hk/wp-content/uploads/2023/03/25-768x432.jpg)
![Helen又去了一間自助古着店。](https://n.kinliu.hk/wp-content/uploads/2023/03/32-768x432.jpg)
![一個店員都冇㗎,要自助付款。](https://n.kinliu.hk/wp-content/uploads/2023/03/34-768x432.jpg)