無綫藝人袁偉豪和女友張寶兒（Bowie）昨日在7千萬清水灣愛巢簽紙結婚。一對新人在日間依足傳統，穿上中式裙褂禮服拜神，至傍晚時分，張寶兒穿上大露背復古婚紗，與新郎袁偉豪手拖手出現會見傳媒。二人全程攬腰兼拖手，又頭貼頭影合照，袁偉豪更忍不住輕吻老婆臉龐，Bowie全程甜笑，十分幸福。
二人接受訪問時表示，儀式一齊從簡，只邀請雙方家長、親友和圈中少數好友出席，包括有陳山聰、胡定欣、單立文，至於謝東閔和林子善則做兄弟，而朱智賢則做新娘的姊妹，袁偉豪自爆表示自己忍不住喊：「我係第一個喊，中式儀式嗰陣見外父拖Bowie落嚟，一見到就已經好感動。」Bowie則表示：「我未見過佢咁激動！」原來在讀結婚誓詞時，袁偉豪臨時加長了，坦言認識了Bowie的日子好開心：「過去3年我事業上係一個春天，3年裏面，我所有嘅開心唔開心，揮霍同任性，都係Bowie喺我身邊陪住我。3年之後，我覺得需要定落嚟，所以我選擇娶呢個老婆返嚟！」
被記者問到是否奉子成婚，Bowie否認並表示唔急於造人，袁偉豪則尊重老婆意思：「睇Bowie啦！佢好enjoy工作，佢好投入自己嘅工作，所以都要商量下，除非有意外啫。」袁偉豪坦言雙方家長都想抱孫，但暫時都是享受下二人世界。
圖：互聯網、IG
