早前有消息指視后李佳芯（Ali）原本被TVB安排演出劇集《靈戲逼人》飾演女鬼，但有傳Ali扭計推辭演出，日前接受無綫娛樂台訪問，她親自解釋辭演理由，原來是因為身體健康出現問題，「每一次開完一套劇，都畀自己好大壓力，係真嘅。所以無論情緒、狀態、身體都好容易有毛病。」所以Ali惟有無奈辭演。
Ali表示之前演過機械人，但從未演過女鬼這類角色，也渴望可以試下另類的角色，可惜身體最誠實，響起了警鐘，擔心接拍了會影響身體和拍攝進度，所以跟公司商量過後才有這個決定，「我一直有睇中醫休養身體，中醫建議我盡量不要捱夜。我都有做針灸，但都係無法彌補直踩拍劇對身體帶來的傷害。有時劇組真是要24小時直踩兩、三個月，太吃力，我擔心我身體負擔不到！」
Ali正式辭演後，令劇組大失預算，監製王偉仁惟有另覓人選，據悉會由當家花旦龔嘉欣臨陣頂上，雖然嘉欣下月要開拍另一套古裝賀歲劇，但亦二話不說答應接拍，王偉仁與嘉欣合作無間，即將播出的《十八年後的終極告白2.0》，亦是由王偉仁出任監製，故嘉欣亦不介意「執二攤」。
