日前有網民發起罷睇「紅色」賀歲片，不少電影都「受害」被標籤，其中有份上映由黃子華自編自導自演的《乜代宗師》也被網民非議指在深圳取景製作，黃子華昨日在面書專頁開live解釋《乜》並非合拍片，更自嘲自己是傻佬賣樓拍戲。
網上流傳黃子華收過百萬片酬但就剝削工作人員薪酬，他表示，今次自編自導自演不只分毫未取，他甚至賣樓拍戲，而他的確向有所有台前幕後工作人員「揼心口」收平些，因為唔夠錢。
至於為何在深圳取景，「我問咗人，賣樓可以喺香港拍15日，但我套戲要拍50日，我唔係啲資深導演，可能佢哋15日得，我真係冇呢個能力。因為要取景啦，仲要廠房，都係錢嚟，如果要喺香港拍，我可能連自己住緊嗰層樓都要賣埋。」
子華表示《乜代宗師》是一套香港人的電影，從第一日開始他的心態已是本着拍給香港人看的，他說：「我想好自由自在拍呢套戲，無論題材、表達手法，不想有任何審查。」他坦言冇信心翻本，只是「輸少當贏」，「全行都認為我是儍佬，賣樓去拍一部99%無得翻本的戲，我將真實情況講畀大家聽，睇唔睇，唔係好緊要。」
