疫情肆虐，不少人都減少社交活動，選擇留在家中煲劇上網打機，就連外出食飯次數都減少，好像黃翠如昨晚就在屋企玩煮飯仔，還將「作品」放上社交平台，留言：「聽說大家待在家的日子，很多女士都變成廚神。我也一盡點綿力……不知是火出了問題，雞翼出了問題，還是燈光出了問題，黑了一點點。好吧，仍需努力。正所謂，好又一餐，好好又一餐。咁，Bon Appétit」齋睇相，又真係好似燶了一點，還畀網民笑稱以為是髮菜冬菇，之不過老公蕭正楠就極速安慰老婆，直接在網上留言：「黑咩？點解我睇唔到嘅？」然後翠如就回應：「聽日再煮」，蕭正楠即時表態「聽日食齋」，兩公婆明明就一起在家避炎，但就在網上隔空放閃，連網民都忍不住留言：「love is in the air」、「喺寵妻老公眼中，嬌妻煮乜都係完美嘅」。
圖：IG
