原來黃翠如和蕭正楠兩夫妻近日齊齊去了馬來西亞檳城工作，趁空檔四處遊覽、食好西之外，還趁機去探望契仔「包包」Danton，兩人還上載湊仔片段，顯得相當溫馨。
契仔「包包」是華裔小姐冠軍吳天瑜囝囝，相當趣緻可愛，難怪契爺蕭正楠和契媽黃翠如都非常樂意照顧契仔。連日更不時於IG上載包包萌照及短片，只見翠如又抱又呵，又抱怨包包只認得手上的星星餅不認得契媽；而契爺望着包包則充滿父愛模樣，冧到爆，不知兩人是否想預先練習一下做新手父母？
不少網友紛紛留言問二人幾時生個小蕭蕭或小翠如，有人留言：「幾時自己生一個？」、「人哋契媽，練習定啦」、「有人是特意的啦，變相催促翠如，有人心急做爸爸」、「快啲同老婆生個魚腩仔同佢一齊玩就一定更開心啦！」等，看來兩人應該積極考慮家中添番個B了！
（圖及短片）：IG
