單文柔（Phoebe）自去年下嫁煎pan陳展鵬，今年4月便誕下女兒Quinta（小豬比），話咁快小豬比已經半歲了。自女兒出世以來，單文柔幾乎全職湊B和做少奶奶，雖然是新手媽媽，但睇下小豬比咁精靈就知單文柔有幾用心照顧女兒，而最新示範是，單文柔已經可以做到邊化妝邊抱小豬比，即是右手畫眉，左手抱B，超有手力，而小豬比更懂得配合媽媽望鏡頭賣萌，超可愛！不少網民更大讚單文柔叻豬！
除了識得單手化妝，早前單文柔更在IG透露首次揸車載小豬比出街玩，不過就有老公陳展鵬伴在旁實。雖然仍未敢單獨駕車，但她表示：「Mami 仍然有進步空間，好快我夠膽車你出街。」看來單文柔對自己的駕駛技術滿有信心，可愛的小豬比遲下有機會多點出街見人了。
(圖:IG)
