前港姐冠軍陳凱琳（Grace）今日出席《仁濟關愛小領袖月捐及義工計劃》啟動禮，身為「仁濟慈善大使」的Grace表示之前與囝囝在街上見到有人賣旗，之後有意與囝囝一起賣旗做善事。她表示大仔已經兩歲多，開始為他物色心儀的幼稚園，她表示：「想佢讀local學校，因為想佢學中文，我細個就去了加拿大讀書，所以都有些遺憾，又想佢自己搭校巴，學識獨立。」
Grace又表示大仔開始識反叛，「有次出街佢扭計唔戴口罩，我們就唔出街，佢就即刻戴番口罩，識睇眉頭眼額。」又笑言老公鄭嘉穎在囝囝面前擔當壞人的角色，負責鬧囝囝，當嘉穎責備囝囝時，她自己就不會出聲，但錫返囝囝時就會一齊做。問到可有意追個女？她笑言：「我同老公就冇，但身邊人就想，不過依家暫時湊兩個仔就啱啱好。」談到今個星期日的父親節，Grace表示會一家人吃飯，並且準備好禮物給自己爸爸。
圖：中通社
