陳慧琳（Kelly）與湛琪清（Jessica）、吳家忻今晚（22日）到中環出席品牌活動，是Kelly自去年12月遇交通意外後，首次出席公開活動，Kelly回憶起事發一刻仍心有餘悸，又向記者展示額上的疤痕，指大仔因此事有創傷後遺症。
陳慧琳重提事發經過，她憶述撞車一剎那，面部撞向膠板及手機，當下已不斷流血：「我望倒後鏡一睇啲血係咁標出嚟，再望個仔有冇事，然後我右眼開始腫到豬頭咁睇唔到嘢。」後來上到白車，Kelly表示大仔見她受傷但沒有喊，「去到醫院，醫生睇到我嘅傷口，不停咁講傷口好深，當時我聽到好驚，心諗究竟有幾深，我會唔會好返，傷口係好似丫形咁，縫咗幾多針，我真係唔知。」又表示右眼角仍有疤痕，因為受傷要縫針的關係，比沒有受傷的眼為低，為此而感到很不開心。
陳慧琳承認與大仔意外後都有創傷後遺症，但不用看心理醫生，「後尾我哋再次坐車去到嗰個位嘅時候，我哋兩個都好驚，而我個仔就話會唔會再撞過？我就安慰佢唔使驚，我哋有扣安全帶。幸好過了又無事，原來『喺嗰度跌低，喺嗰度起返身』是真的可行。」
