反修例風暴持續5個月，支持反修例的藝人杜汶澤和表明撐警的藝人陳百祥，今午（5日）一同獲邀出席香港電台節目，討論香港局勢。二人辯論時談及警察「濫暴」，包括坊間流傳有警察強姦示威者時，陳百祥指：「呢啲咪海市蜃樓囉，警察返工咁攰仲點強姦你？又話打死人，都唔見有屍體。」他又坦言，有年輕人和學生在事件中輕生是悲劇，亦可憐年輕人為了無法達到的目標而犧牲性命，他希望一萬個年輕人之中，有一個會認同他的話，回頭是岸。
政見不同的杜汶澤、陳百祥一開始便針鋒相對，杜更指支持警察開槍的人是「泯滅人性」。陳回應指：「我撐警，係因為我認為警察係維持治安唯一方法，但佢哋而家做咗磨心。」他自言不怕被針對，因他認為自己在做正確的事。
陳百祥續指：「開真槍係必須嘅，在警方性命受威脅垂危下，必須保護自己，阻止暴力繼續。你哋成日咁崇拜美國，睇下美國警察，五個對住一個露宿者都開真槍。」
杜汶澤指出警察執法時對示威者濫用暴力，陳百祥隨即反駁：「我睇唔到差人點樣暴力，如果年輕人唔係走去掟汽油彈、襲警，警察唔會使用武力，呢啲係事實，（電視）畫面都有影出來，唔係我作出來的。示威者蒙晒面，睇唔到係學生定係暴徒，警察就要以武制暴，自古以來都係治亂世用重典啦，警察只係返工，無怨無仇，點解要無端端打你？」
當節目主持人提到美心集團創辦人伍沾德長女伍淑清日前表示，將會放棄被「洗腦」的年輕人，陳百祥表示：「我絕對覺得年輕人係受害者，佢哋都係想爭取將來。我希望今日上來講話，一萬個（年輕人）有一個會接受，其實我哋喺香港，已經擁有好多嘢，免費教育、醫療，自由度比美國、歐洲仲好，你哋知唔知自己爭取緊咩？我睇唔到囉。」
至於示威者的訴求之一，是政府成立獨立調查委員會，杜汶澤和陳百祥都認同要做，但陳認為應該等暴力平息後才做：「我不嬲都贊成獨立調查，當然警察都會做錯要查清楚，但要件事完咗之後，仲要查好多方面，唔可以只查警察。」
陳百祥續表示：「我會可憐學生，點會因為一個海市蜃樓嘅目標而犧牲性命？」他續暗示，有人在背後誤導年輕人走上歧途：「點會有人以為犯罪可以等特赦？點會讀讀下書，用自己條命較飛？」
陳百祥最後語重心長地說：「我無細路，我而家真係唔明佢哋點諗，但我係香港人，好愛呢個家。呢件事本來唔關我事，我出來擺明係做箭靶，但我真係希望有年輕人會聽我講，希望暴力可以停止。」
