有人在社交吹水網出貼，呼籲「手足」罷考今屆文憑試(DSE)，作為最新的攬炒手段，但貼文出了之後，幾乎所有回應都是負評，有人直斥出貼者自私，叫人罷考但自己就參加考試，以圖因有人罷考拉低了平均分，自己就有機會入大學。
一個自稱「沒有偶然」的網民在社交網站連登出鋪文，內容是：「一大批被捕中學生，仲有好多還押緊，仲考DSE對佢地公平咩？今年情況咁樣相信大家都無心機溫書，而且呢個都係攬炒方法之一，事實上個社會/大學學界都需要一年真空期，比學生搞學運。罷考DSE就同罷工一樣係囚徒困境，請盡快組織 ，立即杯葛2020 DSE」
鋪文出了之後幾小時，就有不少網民回應說：「唔知開po嗰個咩心態，我都係今年考dse，我都唔會叫人罷考，開po嗰個係自私Ｘ，消費手足拉低個分等自己有大學讀？真係手足既，唔係應該齊齊整整喺大學相見咩？」
隨後，就有網民力推上述回應：「推！唔通第時讀毅進咩，而家係有文化vs無文化」。又有人說：「DSE一定要考，學行操行根本唔會有僱主理，但DSE一定唔可以罷考」。「幾差都好，考左都仲有機會有分，唔考唔通想第時都狗咩」。「Dse手足要努力啲讀書，第時做醫生記者律師都係靠你哋」。
亦有指叫人罷考的原貼文痴線，呼籲同學一定要參加考試，而且一定要考得好成績入大學。「嗰條友最好為咗玩香城online連野都唔做，同學仔真係咪傻更更聽連登仔噏，次次馬後炮，一遊親行就上網做軍師呱呱叫，有冇出都唔知」。「一定要努力讀書，遲啲就會後悔當初點解唔再努力d」。「有班本身都讀唔成書，唔Ｘ想考dse係度帶風向，唔Ｘ想考就absent 啦」。
又有人話考好DSE，是要為更長遠的抗爭做準備。「罷考根本癡Ｘ線，成班手足真係會因為咁無曬前途」。「成日話要制度內外改變，咁都要有資格入到個制度先得，更何況黃色經濟圈就係靠黎緊呢5-6年既大學生去擴張同經營，所以各位DSE手足，考場見！大家都要有星！」
