警務處處長盧偉聰將於本月退休，副處長鄧炳強勢將接任。有網民發帖指，上周六（2日）港島區爆發反修例衝突，有示威者堵路、縱火及投擲汽油彈，警隊當晚進行掃蕩時，目賭鄧炳強低調地戴上頭盔親身上陣，在現場協助清場及指揮工作，指他有承擔及提升士氣，獲網民激讚。
該名網民Yee Chan指，「話說琴（尋）日HKI（港島區）變左（咗）主戰場，神早燒煙打散哂D曱甴，所謂集會收哂皮，原來夜晚先係戲玉（肉）。話說夜晚做sweeping（掃蕩），零零舍舍有個著白恤衫同個大隻仔一齊行頭，開頭都唔知乜水，以為勇武CRT（罪案應變小組）無理過佢。點知一掃完一除頭盔，原來係未來一哥（鄧炳強）。」
該名網民續指，「講真，佢（鄧炳強）都算係咁…掃左（咗）兩粒幾鐘，由金鐘到上環，又要上山，全程煙霧瀰漫，又火光熊熊。佢成程又搬路障、又搬垃圾，又同伙記分開記者…佢一除頭盔我地都嚇一跳，原來係鄧蛇御駕親征。」
該網民又說，「如果朝廷多D呢D長官咪好，起碼落下（吓）地唔係成日匿鬼埋唔知去咗邊？）
該帖文一出，即有網民大讚鄧炳強夠「貼地」：「真正一哥！！帶領全港警察進入新景象！」，亦有不少網民表示支持警方執法。
