民主派47人涉嫌參與「35+」初選，爭取立法會過半否決財案被控，16人否認串謀顛覆國家政權罪受審。認罪被告區諾軒昨於西九龍裁判法院繼續作供。他指早於2020年3月計劃早期，和戴耀廷提議與《蘋果日報》合作舉辦選舉論壇。控方隨後播放九龍西選舉論壇片段，包含有張崑陽、岑子杰、黃碧雲、劉偉聰、馮達浚、何啟明等人發言。
副刑事檢控專員周天行提及，6月19日至22日為初選提交提名表格期，並於6月25日至翌月4日舉行6場選舉論壇。區諾軒憶述約2020年3月計劃初選早期，與戴耀廷商討時已預期舉辦選舉論壇，戴提議與《蘋果日報》合作，自己便聯絡了1名《蘋果日報》記者，對方表示可提供場地，區同時聯絡《立場新聞》、網台《城寨》及《D100》，問及可有興趣合作，每間機構之後各派1名代表開會2、3次商議準備，例如：考慮涉及多少選舉開支、是否需要選舉申報及播放模式等，最終決定透過《蘋果日報》錄製影像，再分發予上述傳媒，同時播放。
區又指會上曾物色嘉賓主持人選，在《35+論壇須知》中訂立嘉賓主持名單。區憶述6月9日記招中曾表示不以「35+」名義舉辦選舉論壇，徵詢法律意見後改變主意，選舉開支則交由民動幫助各人申報。
區諾軒其後製作《35+論壇須知》加上另一份《候選人備忘》，發送予各參選人，其中交代了論壇流程、嘉賓主持資訊及有關規定等，戴耀廷及趙家賢同時收悉。5個選區加上「超區」，最終於蘋果日報大樓舉辦了6場選舉論壇，參考歷屆立法會換屆選舉論壇訂出6個環節，各論壇於錄製後2日播放。區回想自己有出席大部份論壇，其餘也曾收看，而戴只出席過1次，趙則從未到場。區另交代戴或趙於2020年6月2日開設WhatsApp 群組「PfD35+計劃」，3人連同鍾錦麟、民動職員黎敬輝均在內，最後訊息在翌月23日發出。
控方隨後於庭上播放九龍西選舉論壇片段。張崑陽回應「攬炒」批評時解釋「攬炒已經進行，但係攬炒嘅促成絕對唔係我哋香港人民嘅錯誤，絕對就係中國共產黨」，令香港失去獨立關稅區待遇，同時反問「點解我哋心態上唔可以擁抱攬炒呢？當敵人已經將我哋逼到末路，難道我哋唔能夠反抗咩？攬炒係求生嘅最後一個本錢」。
岑子杰解釋「攬炒」有2個意思，包括「就 係中共打到來，我寧願同中共玉石俱焚」，以及「我主動去撩中共打交，要攬炒佢，我唔贏唔緊要，最緊要中共輸」岑子杰又解解不簽署「墨落無悔」聲明緣由。
被馮達浚連番質問可會在議會內衝擊時，黃碧雲說「一齊衝！希望一齊贏！」引來哄堂大笑，黃碧雲則於庭上尷尬苦笑。論壇上黃碧雲面對質疑時反指「如果戴耀廷教授認為我哋九龍西需要再簽呢個協議呢，我哋好樂意」。被質問「係咪一定要攬炒」時，黃碧雲回答「我係會用盡憲制裏面所有嘅權力同埋手段係爭取五大訴求，如果否決財政預算案能夠促成呢一樣嘢，我哋一定會做」。
劉偉聰則提到「有35+就有好多嘢可以做，包括修改惡法」，認為「有一啲人可能要留守喺後方，例如議會呢條戰線，我哋希望做到嘅就係裏應外合」。馮達浚明言「有一個共同嘅敵人就係共產黨政權，打倒呢一個極權政府，打倒共產黨」，更指「任何嘅情況下，我哋都必須否決財政預算案以及其他重大議案」。
何啟明則指「我哋35+，唔係因為入到議會先團結，市民係好想我哋一齊團結入議會呀，所以點解我哋就要走出來簽呢份抗爭聲明，當有啲人唔願意簽嘅時候，市民就用佢雪亮嘅眼睛，就用佢手上一票，咪foul走佢囉」，又表示「我哋而家面對緊嘅係一個極權呀，我哋全部人都係受壓迫者，呢個極權就係用更大嘅力度來到打壓所有人，所以冇話分咩泛民、咩本土，我哋全部都係被壓迫者，一定係出來反抗到底，一定就係出來要打倒共產黨」。
