油麻地越南餐廳「越老」的副經理培哥,今年73歲,退休多年的他,在朋友介紹下入職,一做便做了5年:「打工覺得自己個人好啲,起碼你可以融入呢個社會,同人傾下偈,好過你成日喺屋企。」

73歲的培哥仍每日工作5小時。
73歲的培哥仍每日工作5小時。

培哥負責晚市 ,每早打太極晨運後,便與太太歎早茶,再相約朋友見面,至傍晚5時才上班,生活十分充實:「我做5個鐘,5點至10點,當然舒服啦,如果唔舒服點做5年?」他形容返工行行企企5小時當做運動,亦可賺取少許收入:「我有能力,又可以搵些少使用,自己可以寬裕啲,唔好講搵好多,都搵3、4千蚊,有時畀啲孫都手鬆啲。」笑容滿面的培哥,所任職的機構,正是專聘長者的社企「銀杏館」。

「銀杏館」創辦至今16年,旗下有6間餐廳、1個有機農莊、1支長者樂隊,另有到會服務及中央廚房,整個企業聘有160多名長者員工,平均年齡約68歲,佔整體員工比例達80%。長者員工全職、兼職皆有,視乎工作崗位及其工作經驗而定。

「銀杏館」行政總裁麥敏媚表示,該社企是提供一個長者就業平台,讓一班有需要工作的長者可以工作,故請人時有「年齡歧視」:「我哋真係有年齡歧視,會優先聘用長者,另會視乎工作崗位是否適合呢位長者。」

她認為,長者在學習方面雖然較緩慢,但卻十分努力學習,做事亦有紀律,從不遲到及無故缺勤,優點勝過新一代甚至中年人。

「佢哋工作態度係代表緊嗰個年代,就係上一代敬業樂業嘅精神,呢個係獅子山下精神,佢哋對工作熱誠,呢種態度而家唔係好睇到。」她解釋,長者就業最困難是首3個月,因他們會擔心重投勞工市場難以應付,對新工作缺乏自信心,適應新工作環境需時較久,故開頭的在職訓練十分重要,另要安排社工為他們輔導,協助他們適應。

麥敏媚(左二)指長者就業能為社會帶來勞動力。
麥敏媚(左二)指長者就業能為社會帶來勞動力。

解決人口高齡化問題

面對未來長者人口越來越多,需要就業的長者或會增加。麥敏媚認為,政府應實在檢認現行的長者就業政策,做好工作配對及工作輔導,幫到長者亦幫到企業:「香港社會一直唔夠人做工,而家係有工無人做,周圍都話請人,問題係呢啲工啱唔啱長者做,呢個配對要認真去策劃,唔好等到問題嚟嘅時候,就頭痛醫頭,腳痛醫腳。」

她說,若能將長者人口化為勞動力,所產生的連鎖社會效益十分龐大,除了勞動人口增加,提高整體生產力外,長者透過工作賺取收入,亦解決到不少人口高齡化問題,包括減少綜援及醫療開支;長者社交能力提高,亦可減少家庭問題。她希望除了「銀杏館」外,其他公私營機構、社福機構亦可撥出少量職位聘請退休長者。

「未來長者就業方向,唔應該只着眼於佢哋嘅年齡,而係長者本身有無工作需要,有無工作能力,工作崗位係咪同佢Job Matching(工作配對),Match到咪得囉。」

13540

相關文章

最新文章