「有咁多荒廢嘅地方,會唔會係政府無善用呢啲地方呢?政府一定有晒list(名單),但係政府無諗辦法去用呢啲地方,我覺得係一個好大嘅政策問題。」廢墟攝影師阿Sing過去7、8年走訪全港最少200個廢墟,慨嘆政府避免投放資源重新規劃,導致不少地區的土地資源被白白浪費。

廢墟攝影師阿Sing 指,政府浪費不少土地資源。
廢墟攝影師阿Sing 指,政府浪費不少土地資源。
鹿頸公立學校外的石製滑梯仍完整保存,是其他學校少有的設施。
鹿頸公立學校外的石製滑梯仍完整保存,是其他學校少有的設施。

阿Sing接受本刊訪問指,7、8年前在西貢行山時,發現荒廢的黃竹洋村十室九空,從此走上探索香港廢墟之路。他透過政府地圖或上網尋找資料,先從新界着手:「嗰陣時係睇到啲廢村,廢村通常都有廢校,入到去入面,啲人好似乜都無攞就走,覺得好得意,再慢慢睇番啲歷史。」

歷年來,他走遍港九新界,看過最少200多處廢校、廢地,當中大部分是政府空置或軍事用地,部分更有基本設施。他設立的facebook專頁「荒凝止息」去年初獲批為非政府機構(NGO),他希望透過所發現的廢墟與社會文化結合,推廣在地地方文化。

採訪當天,他帶記者到1988年停辦後荒廢至今的鹿頸公立學校,該校位於鹿頸村內,整座校舍被樹木雜草包圍,校舍前地有一座完整的石造滑梯,而校舍一邊天花已倒塌,內裏長滿雜草,而另一邊則完整地有兩間課室、校長室及儲物室,內裏掛有黑板,書桌、座椅堆放在一旁,校長室更有文件櫃及枱椅,櫃內更放有文件夾。

鹿頸公立學校的空置課室內有不少棄置枱椅。
鹿頸公立學校的空置課室內有不少棄置枱椅。

阿Sing說這座校舍雖位於政府官地上,但學校是由鄉紳捐款興建,故政府不會胡亂收走,避免引起鄉紳不滿:「好多呢類型嘅村校,殺校潮嗰陣時被殺,但村民可能諗會唔會有一日可以重開?又或者攞嚟做其他嘢呢?於是就有好多廢校其實係鎖住,入面有好多嘢留咗喺度,因為諗住有機會開返。」規劃署資料顯示,該校舍現劃作為適合鄉郊用途:「好似呢度咁,近麥理浩徑,附近有好多人行山,咁你係咪可以整個遊客中心之類嘅嘢,吸引多啲人嚟行山呢?」

他又舉例指碗窰以前做瓷器聞名,當局在遺址設置展覽館供遊人觀賞:「香港其實有好多好有故事嘅村或者舊屋,我見到就覺得好嘥,點解唔攞返嚟用呢?或者攞嚟介紹佢條村一啲故事,其實都係一件好事,又可以吸引多啲遊客。」

地雖細仍有發展可能

離島有一間荒廢多年的學校,天台設有觀星設備。(阿Sing提供)
離島有一間荒廢多年的學校,天台設有觀星設備。(阿Sing提供)

阿Sing向本刊提供多幅過往曾探索的荒廢用地照片,其中一間位於離島的荒廢學校,天台設有觀星設備;另一處近市區的前槍會用地,就留有不少槍會設施:「政府如果肯做,其實呢啲地真係大把⋯⋯其實就算唔好話廢墟,成日見到有啲空置嘅地,擺咗個政府地嘅牌喺度,一擺可能講緊4、5年以上,咁佢擺喺度做咩呢?其實都係嘥。」

他指市區有不少空置政府宿舍或辦公室可加以利用,要改變用途亦不難:「有啲都幾大,當然你要起一條好大嘅邨可能未必得,但係可能兩、三座咁應該無問題,就算你嗰度唔夠起條邨,咪起啲社區中心囉。」他認為追本溯源是政府土地政策存在問題:「唔係無土地,係政策有問題,佢(政府)唔想做嘢。」

9559

相關文章

最新文章