公共遊樂場設施沉悶,欠缺啟發性,造就近年大量收費兒童遊樂場興起,除了最受小朋友歡迎的大型波波池、超長滑梯外,部分更加入歷奇元素,包括繩網、彈床、攀石牆,甚至提供不同類型的工作室,讓小朋友嘗試木工、藝術品製作等,收費以每小時、指定時段或全日任玩計算,由數十元至300多元不等。由於這些新奇刺激玩意充滿啟發性,吸引不少家長帶子女參加。

收費遊樂場設施多元化。
收費遊樂場設施多元化。

新手媽媽Polly直言,不少私人遊樂場提供多元化的遊樂設施,選擇及種類亦多,可以讓小朋友有很多新嘗試:「有時我都會畀錢去一啲收費嘅遊樂場,因為佢哋真係多元化,設施齊備,內容又好豐富,可以畀阿仔接觸唔同嘅嘢,亦有嘗試解難嘅元素。」她又指,這類私人遊樂場一般十分乾淨及配套設施完善,小朋友玩完亦可即時清潔,不用麻煩。

「智樂兒童遊樂協會」總幹事王見好認為,公共遊樂場設施沉悶與收費遊樂場興起,兩者是有相互關係,而智樂發現過去10年家長越來越關心小朋友,亦知道遊戲對小朋友的重要性,從而對遊樂設施有要求:「點解啲家長會投訴遊樂場唔好玩?就係話畀你聽我需要遊樂場好玩啲。點解咁多室內遊戲室興起?就係因為有需求。」

她認為,收費遊樂場只能讓有能力的家長帶小朋友去玩,但兒童遊戲權利是每個小朋友都有遊戲需要,而公共遊樂場是可以令更多小朋友受惠,若政府政策能夠做得好,讓家長看到原來公共遊樂場可以做到家長的需求,便可讓更多小朋友受惠,屯門公園兒童遊樂場便是例子:「屯門公園平日嘅人數就等於第二啲公園嘅假日人數,咁假日就有更多人嚟玩,其實家長係用隻腳投緊票,去話畀你聽,我真係需要呢啲咁多設施嘅公共遊樂場畀小朋友玩。」

21957

相關文章

最新文章