疫情之下，飲食和零售業步入寒冬，商舖市場大吹淡風，生意額大跌之下很多商店都要結業。李根興說，租戶捱不住損手退場，業主同樣會受重傷：「『執笠』三部曲係先拖欠幾個月租金；然後放低鎖匙人去樓空，業主要自己拆裝修；最後業主要減租，重新找中介公司招租，又要付經紀佣金，隨時損失百多200萬。」
按李根興估計，即使疫情在短期內結束，未來租金都要下調30%，長期而言租金減半在所難免。
「以我一間寧波街（油麻地）地舖為例，月租9萬元，呢個係社運發生前出租的價格。假設我因為租戶結業，轉新租客要減3成租，3年合約已經損失百萬，還未計經紀佣金。如果我租唔出呢？條數就係百幾200萬。」李根興說，如果租客因大環境損手而令他也蒙受損失，倒不如自己出手「救市」。
幫一幫租客， 幫一幫社會
李根興所用的方法，是幫租客谷生意：「這間店做拉麵，佢生意唔好，我一方面減他3成租，三月份再送他幾百碗麵。只要有人買一碗外賣拉麵，我會另外送一碗給客人。」這樣變相幫租戶做買一送一優惠：「這些拉麵每碗要百多元，我們好像送出了300多碗，這樣顧客覺得抵食，會試，覺得好食會返轉頭幫襯，咁咪有生意囉。」
從業主角度，每個月多付出十多萬元，卻可能避免損失百多二百萬，以李根興的說法，「呢筆錢其實係小數目」。
「如果我迫佢交租，租客死、我又死，但現在香港業主就是比較孤寒，大部分都唔肯減租，唔交租就拉閘，然後打電話給我，問我如何招租，你去死啦你。」李根興希望，業主能多為租客、大環境着想，嘗試幫一幫租客，幫一幫社會。
