許德亮即使只被視為「親」建制的區議會候選人，也受到如廝大政治壓力，更何況是根正苗紅的真正建制派？他們在今次區選之中面臨的，將會是前所未有的難題。做了區議員長達26年、名副其實是「長勝將軍」的工聯會立法會議員麥美娟，今年在反修例的驚濤駭浪中尋求連任，亦不諱言這是有史以來最艱難的一場硬仗。
這一仗，比初任議員更困難
「93年我做區議員，94年首次遇上區選，當時無經驗無錢，都唔及今次咁困難。因為以前都可以靠勤力去接觸選民，但而家根本係被『滅聲』，無機會做到正常嘅宣傳。」
麥美娟位於安定邨的辦事處，日前由閉路電視拍攝到一名婆婆欲進入她的辦事處期間，疑被一名男子阻擋及掌摑欺凌。然而，此事只屬冰山一角。
候選人為保橫額各出奇謀
自參選後，麥美娟的地區辦事處連續3次遭人毀壞，在區內指定位置掛出的20張選舉宣傳橫額，亦全數「陣亡」，而對手公民黨冼豪輝的宣傳橫額、海報卻完好無缺。她說，曾有一位太太走過來問她：「乜妳今年無參選咩？點解見唔到妳掛嘢，淨係見到姓冼嗰個嘅？」她亦只能無奈苦笑。
「我有啲候選人朋友話，乜妳咁蠢呀，應該先掛三張出嚟先，爛咗再換返三張上去嘛！」據她所知，亦有候選人將海報橫額「朝行晚拆」，甚至索性不掛，打算到選舉前最後一刻才掛出來，以免被「有心人」破壞。
擺街站「打游撃」避開滋擾
往日支持麥美娟的商店，現時都不敢貼上她的選舉海報：「店主都講到明，我都想支持妳，但我都驚畀人『裝修』（破壞）。」
就連最平常不過的選舉工作「擺街站」，也變得困難重重：「以前做街站有固定時間地點，但試過網上有人號召話要去搞我，見到我就破口大罵、滋擾街坊，加上（屯門樂翠區候選人）何君堯畀人襲擊後，我同義工團都即刻開會諗辦法，而家唯有『打游擊』，時間、地點要經常轉，亦叫義工要注意自己嘅安全。」
跟支持者轉做「筆友」
有義工因為家人擔心人身安全，迫不得已暫停替麥美娟助選；即使遇上支持她多年的街坊，在街上都不敢跟她高談闊論：「見到面最多同佢哋（街坊）打個眼色、點點頭，或者走埋嚟我耳邊，同我講句『支持妳』。」她笑言，跟不少街坊轉了做「pen-friend」，常常收到街坊好友whatsapp替她打氣，甚至主動監察網上言論，將抹黑她的資訊報料給她，讓她感動不已。
講句「支持」也要「咬耳仔」，曾幾何時光明正大的事，竟要變得如廝小心翼翼。麥美娟坦言，這個完全是不正常、不公正的選舉。
重造橫額經費必超支
橫額被毀、擺街站被滋擾、支持者在「白色恐怖」下被迫「滅聲」，都令麥的社區曝光率不斷下跌。但最令她苦腦的，是選舉經費問題：「如果要重新做過呢廿塊banner，選舉經費一定會超支。其實選管會主席馮驊係咪應該考慮下做啲嘢，去確保選舉公平公正呢？譬如考慮下容許被破壞嘅宣傳品，在不須申報選舉經費下『一換一』？」
選舉不公正令人遺憾
麥美娟在訪問中多次強調，選舉必須要公平公正：「如果我有正常渠道，將我嘅政綱、理念解釋畀選民聽，聽完佢都係覺得唔夠對手好而投票畀對方，咁樣我都心甘命抵。但問題就係，我而家根本得唔到公正嘅機會，去解釋我嘅政綱、理念，有人仲用好多方法唔畀我去宣傳，呢樣嘢先係最令人遺憾。」
她續說：「反對派經常聲稱主流民意喺佢哋度，如果係真嘅，又怕乜嘢公平選舉呢？點解要千方百計去抹黑、滋擾建制派，阻止選舉公平公正進行呢？」
確保選舉公正馮驊責無旁貸
說到這裏，她再批評選管會對候選人的遭遇置身事外：「根本馮驊就責無旁貸，咁耐以嚟做過乜？只係表示遺憾再譴責，稱唔稱職呢？未來仲有各種各樣嘅選舉，你叫我哋點樣倚靠你去維持選舉公正？」
麥美娟已參選葵青區偉盈選區，同區還有公民黨的冼豪輝。
