歌手吳浩康（Deep）早前宣布太太郭思琳懷孕，今日Deep透過公司向大家公布囝囝於9月14日順利出世了，而郭思琳同時在社交平台分享相片和感受，經歷了17小時的陣痛，終於誕下8磅11的男B，而初為人父的Deep知道太太好辛苦，除了說多謝，更表示會好好配合太太的生活，至於BB改名方面就會和爸爸商量。
Deep表示，太太郭思琳原本打算順產，但去到醫院時子宮子宮頸仲未打開，醫生建議落催生藥，但落催生藥後會不時有陣痛，他說：「太太一路承受住痛楚，醫生同護士亦都同佢講子宮頸唔係好ready，唔ready嘅程度係，人哋有1至10度，我太太係1度都冇，太太內心失望之餘亦都好擔心，當然佢亦都好期待囝囝嘅出現，但始終冇呢方面嘅經驗，所以就會再擔心啲。」
結果郭思琳足足經歷了17個鐘頭的陣痛，他說：「我去到醫院嘅時候，姑娘第一句就同我講『其實你太太真係好忍得痛，佢可以咁樣頂，仲頂咗咁多個鐘』，所以真係好佩服太太，同埋真係好多謝佢，一啲都唔簡單，希望我可以繼續好好配合佢嘅生活啦。」
而郭思琳亦在社交平台分享感受：「今次呢個生育過程真係痛不欲生，最難捱嘅係好想順產，但一直催生到開刀前都等唔到宮頸打開，淨係不斷地feel到劇烈陣痛…. 不過最後見證住你平安出世，呢樣先係最緊要!（我仲好記得喺產房Deep爸爸聽到你第一下喊聲，佢開心到好似中獎咁成個彈起!爸爸媽媽第一次為人父母，好多嘢都無經驗，但我地會盡量去學，盡量去做，俾我哋所有嘅愛同耐心陪伴你長大，希望撑撑（BB乳名）你有一個開心嘅童年！」
