岑杏賢（Jennifer）本周一低調與圈外男友Kelvin簽字註冊結婚。老友朱千雪、湯洛雯、蔣家旻及張嘉兒透過社交網連環洗版式宣布喜訊。而主角Jennifer亦同時間出post，並接受傳媒訪問。
Jennifer表示丈夫是圈外人，所以婚禮一直保持低調，加上疫情關係，只可以作有限度擺酒，只有40人一齊見證，主要是雙方的家人和一班好姊妹。問到婚禮最難忘的是甚麼？她答：「係爸爸幫我戴頭紗再出去行禮嘅時候，我好感動，見到班姊妹忍唔住留淚嘅時候，自己都忍唔住流眼淚。爸爸亦好感觸，依依不捨，始終我都係獨女，爸爸媽媽眼中都係掌上明珠，但佢哋都好開心見證我呢個婚禮。」
對於拋花球環節，她刻意拋給蔣家旻，她表示因為一年前Tracy（朱千雪）拋給她，令到她今年成為人妻。她覺得花球很有魔力，今次她特意拋給蔣家旻，希望一班姊妹可以得到幸福。原來婚禮當日的花球是好姊妹湯洛雯親手造的，非常感謝她送上這份結婚禮物，意義亦非常重大。
Jennifer又透露暫時都以工作為先，婚禮翌日已投入工作，她笑說：「如果日後同老公有好消息，一定會同大家分享。」
圖：IG
