阿姐郊遊記　見隨地口罩鬧爆冇公德心

「阿姐」汪明荃昨日趁天氣好往行山郊遊，目的地是清水灣郊野公園附近，本來心情好好，但點知最後搞到一肚氣，究竟點解呢？原來阿姐見到好多垃圾，其中有好多是用過的口罩，阿姐仲忍唔住拎起樹枝來執起口罩，嬲爆之餘，更拍下照片放上網，鬧爆啲人冇公德心，在IG寫道：「在清水灣郊野步行1小時，本來心情幾好，但見到隨地的垃圾，仍然忍唔住，用樹枝執起啲『口罩』，唉！有啲人真係冇公德心！」不少網民都大讚阿姐出心又出力，完全感受到阿姐對香港滿滿既愛！