張致恒（Steven）今年7月自爆做未婚爸爸，跟圈外女友雯雯育有一子張天寶，並於9月初正式簽紙結婚！雖然當時鬧得滿城風雨，被指一腳踏幾船，又自爆患有性上癮，但近日似乎收心養性，昨日更在個人IG上載了一張超聲波照，表示好期待BB的到來，「照佢就喺度跳舞俾我睇」看來小B相當好動活潑。
其實早前Steven已經自爆即將再為人父，當時他在社交網站留言：「多謝大家嘅祝福，感謝主俾多一個小孩我哋，其實我同我太太都好鍾意小朋友，天寶又可以多一個細佬或者細妹，我覺得咁樣屋企又熱鬧又開心，所以我會更加努力令到佢哋快樂成長！」不少網民都留言恭喜他，但亦有網友勸他生生性性，別再偷食。
