歌手Gin Lee（李幸倪）日前在IG放出「He said YES」震撼彈，令網民紛紛惴測是否閃婚，不過她一直保持神秘，並未有回覆網友的留言，直至昨晚才釋出與歌神張學友合照，以及與學友合唱新歌《日出時讓街燈安睡》的一小段，並留言表示這次合作十分奇妙：「想不到在自己的歌唱生涯中會有與他合唱的一天，在我心目中，他的歌藝與堅持是專業的標準，亦是我學習的榜樣。」
今日Gin Lee在社交平台再透露更多合作點滴，表示促成今次的合作竟然是Eric Kwok（郭偉亮）的太太葉佩雯（Grace），她在社交平台寫道：「今次同張生嘅合作非常奇妙，好似係冥冥中嘅安排咁，首先多謝Eric寫咗首歌畀我，我喺屋企練歌時，總係覺得呢首歌應該要有個合唱版，機緣巧合，有日Eric嘅太太Grace夢到我同學友哥合唱，Eric就索性問Duncan不如試下搵學友哥，結果學友哥聽完個demo好鍾意，亦對 #林若寧 份詞好有感覺，最後應承今次嘅合唱，咁嘅機會真係too good to be true，坦白講，由知道呢個消息到錄完呢首歌，我都唔敢同人講，實在太似一個夢了，Yeah！終於推出喇！恭喜我願望成真，多謝以上幾位促成今次嘅合作。希望你哋可以透過呢首歌得到一啲力量。🌅 你哋一定會loop爆首歌嘅係咪？🔥 #日出時讓街燈安睡」
雖然暫未透露新歌何時上架，但約30秒的合唱聲帶已令粉絲聽出耳油，紛紛留言讚賞和派心心，就連Eric Kwok都留言表示已經loop爆首歌。
