屢傳不和的馮盈盈與江嘉敏今日一同出席新節目《解構心機女》記者會，有傳因去年的富豪船P令好閨密反目，日前各自在社交網分享錄影節目破冰合照，馮盈盈被指疑似P圖。今日在記招上，二人大方合照，但又不時互窒，頗有火花。
被問到二人是否破冰？馮盈盈說：「係走冰先啱，講緊佢第一次做主持，所以請佢飲珍珠奶茶為佢打氣，係我唔夠細心，唔知道佢生理期，冇準備到熱朱古力。」
兩人的「世紀合照」惹來P圖風波，問到嘉敏可有覺得自己被P肥了？她笑說：「邊個P肥我先，你講邊張相先，我又唔知邊個P肥我喎？」盈盈則說：「張相係助手影，原相喺助手度，我覺得只係大家編輯風格唔同，我亦從來冇講過啲相冇P圖。如果有P圖我會大方承認，唔會有P扮冇P。」
嘉敏又稱盈盈做師姐，豈料盈盈不領情笑笑口說：「唔好嗌我師姐，我哋同年㗎！你2014年入行，又拍劇又拍電影，我嗰時仲讀緊大學未選港姐，應該我叫番你做師姐先啱！」
兩位傳不和的「死敵」被安排合作做節目，可有想過推演？馮盈盈稱從來不考慮推演，任何工作機會都很樂意接受。嘉敏說：「一直冇咁嘅事，係大家不斷抺黑、發酵，但都要多謝大家，唔係大家嘅惡意抺黑，我都冇呢啲工作機會。」盈盈則稱行動是最證明，大家合作做節目的確有火花，但強調由始至終都沒有不和。
圖：中通社
