現年28歲的歌手鄧紫棋(G.E.M.)今日被爆料，傳與富二代造型師男友魏俊杰(Mark)於今年1月25日(大年初一)在泰國秘婚。因年初時新型肺炎疫情關係，出席婚宴的只有雙方家長及閨中密友。
有網民從G.E.M.的IG帳戶推測，今年初1月25日上載一張與外公着到紅噹噹的合照，背景是美麗泳池，數日後，又上載與妹妹在同一個泳池合照，G.E.M.的泳衣款仍是紅色，推測是一家人外遊泰國，除了G.E.M.的家人，還有Mark的妹妹亦在1月26日上載一張在同一個泳池的夜景，似與G.E.M.同行。
不過有傳媒聯絡G.E.M.恭喜她，但其工作室代表G.E.M.回覆並冇此事，G.E.M.還未結婚；而G.E.M.的閨蜜李蘊亦否認傳聞：「我覺得好搞笑囉，呢件事好假好流，因為大年初一咁啱疫情啱啱開始爆發，大家都人心惶惶時候，我諗就算真係結婚，都唔會揀嗰個時候啦，所以係冇咁嘅事，佢暫時都未有結婚打算，佢每次拍拖都好認真當係結婚對象，但喺事業衝刺期，佢仲係努力緊嘅時候，結婚未係咁快囉。」
圖:IG
