富三代鍾培生因不滿林作抽水，在社交平台下戰書，並以一百萬現金跟林作打擂台隻揪，事件經過連日的口水戰，又被網民質疑有人存心炒作，前日簽下生死狀，今日下午二人一起開招交代細節，吸引過百傳媒到場。
這場生死戰會在9月舉行，共打4個回合，每回合2分鐘，如果林作臨時縮沙要賠償宣傳損失。林作表示會認真去打，又多謝鍾培生給予足夠時間訓練，「我一定會認真打，希望打贏，信心有嘅！做嘢我好少冇信心。」
鍾培生一向有練習拳擊，而林作則是初哥，他表示已找了向柏榮師傅為他作特訓，又稱自己上手快，有運動細胞，又指鍾培生出到100萬元拳酬相當吸引。記者會期間，鍾培生已顯露不滿情緒，表情明顯不耐煩，而林作則全程嬉皮笑臉，鏡頭前鍾培生明顯懶理林作，眼尾也不望對方一眼。
鍾培生表示：「如果我認真打，10秒就knock（擊倒）佢，我成日講係要fxxking break him！」鍾培生又說：「我本來係想搵殯儀館sponsor，不過而家搵輪椅會好啲。」有人問會否擔心林作在擂台上出陰招，鍾培生即鬧林作是屎：「你哋睇清楚佢嗰樣，睇吓呢pat屎可以做咩出嚟？呢pat屎如果喺台上面出陰招，我會唔會揼爆佢？look at me, I’m fxxking champ.」
林作被問到有否立定遺囑，他就乘機賣保險：「冇冇冇，買多份人壽，保險最實際。」林作又指媽媽比自己更肉緊出場費：「佢好希望快啲打，佢以為今日打，所以坐咗喺後面。」
雙方簽訂合約8大條款
1.賽事為拳擊形式進行。
2.賽事以4回合，每回合2分鐘進行。
3.鍾培生出賽限重，量秤於賽事前一天內舉行。
4.鍾培生的重量在量秤時超越合約所規定重量，如無守約，林作直接獲判技術勝出。若協商後依照安排比賽，超重一方需賠償對手每每0.5kg港幣1千元。而林作則不設此限。
5.配戴拳套為10盎司。
6.鍾培生同意無論賽事結果，均需於賽後向林作支付表演/出賽費用港幣一百萬元。
7.除合約個方面因拳擊賽引致拳手死亡及或受傷的任何責任，包括但不限於所有日後之法律追討賠償等，拳手亦承諾不能向主辦方及有關人士單位追討。
8.但如林作違反合約包括但不限於無法出席賽事，則鍾培生無需支付上述款項，林作須賠償期間所有宣傳支出。
