香港男團Mirror成員Edan（呂爵安）近日人氣急升，連續接拍了7個廣告，加上近推出新歌《E先生連環不幸事件》，連帶有份拍攝MV的演員Locker（林家熙）及連登女神Mandy（譚旻萱）均齊齊彈起，今日更獲手錶品牌邀請一起出席宣傳活動，Edan被問到近日密密接拍廣告是否豬籠入水？他表示酬金尚未落袋，他說：「未到㗎，快都要近3個月，耐要半年，暫時未知會點用，可能都係儲起先。」問到他會否倣效姜濤以買樓為目標？Edan笑指：「姜濤睇樓梗係得啦，我未得住。不過同媽咪傾開現時居住狀況，我哋住個地方升咗，有諗過套現，一切未定，我希望可以送層樓畀媽咪，話晒佢養到我咁大勞苦功高。」
Mandy和Locker因拍攝《E先生》MV帶挈而令工作量大增，Mandy周旋於兩男之中，問到會二選一會揀哪一個時，她表示會揀Edan，因為覺得他好有魅力，又投入工，而且好可愛，不過Mandy現實中已有一個穩定的圈外男友。
圖：中通社
